Vazhdojnë aksionet e Policisë, sot cak Peja

Policia e Kosovës me njësitet relevante sot janë duke vazhduar aksionet e tyre që ndërlidhen me luftën ndaj kontrabandës së mallrave.

Një operacion i tillë është duke u zhvilluar në disa lokacione të komunës së Pejës.

Lajmi për KALLXO.com është konfirmuar nga zëdhënësi i Policisë së Kosovës, Baki Kelani.

Kelani ka thënë se aksioni është duke u zhvilluar në bashkëpunim dhe koordinim me prokurorinë, doganën dhe ATK-në.

Ai tutje shtoi se pas përfundimit të operacionit në fjalë do të bëhen të ditura edhe informacionet e tjera.

KALLXO.com ka kontaktuar edhe me zëdhënësin e Doganës së Kosovës, Adriatik Stavileci, i cili ka treguar se zyrtarët e doganës janë ftuar nga Policia si asistencë në këtë aksion.