Vaksinimit kundër COVID-19 ulë rrezikun e shtimit të infeksioneve
Ministria e Shëndetësisë apelon qytetarët në të gjithë vendin që të vaksinohen kundër COVID-19 në mënyrë që të ulet rreziku për shtim të infeksioneve.
Nga Ministria e Shëndetësisë thonë se vaksinimi ulë rrezikun edhe për hospitalizim të qytetarëve deri në shkallën 84 për qind.
“Koha për VAKSINIM është TANI, për të shmangur rrezikun e shtimit të infeksioneve të reja, reduktimin e hospitalizimeve dhe fataliteteve”, thuhet në kërkesën e Ministrisë të bërë në “Facebook”.
Kohëve të fundit interesimi për vaksinim ka rënë dukshëm nëse bëhen krahasime me muajin korrik dhe gusht, në anën tjetër vendi është duke u rrezikuar nga varianti i ri “Omicron” i cili ka filluar të përhapet në shumë vende të botës.
Ministria e Shëndetësisë në raportin 24 orësh ka bërë të ditur se 2 mijë e 142 qytetarë janë vaksinuar në nivel vendi.
“Deri më sot 762 mijë e 675 qytetarë janë vaksinuar me dozën e dytë”, thuhet në njoftim apo 47 për qind e qytetarëve janë të vaksinuar me dy doza.
Sipas Organizatës Botërore të Shëndetësisë një person konsiderohet i vaksinuar vetëm pas marrjes së dy dozave të vaksinave kundër COVID-19.
Të gjithë qytetarët në Kosovë mund të vaksinohen në cilën do nga qendrat e vaksinimit në vend pavarësisht cilës komunë apo shtetësi i përkasin.
Me masat e reja për parandalim të përhapjes së infeksionit Ministria e Shëndetësisë ka mundësuar vaksinimi e të gjithë personave të cilët vijnë nga shtetet tjera në aeroportin “Adem Jashari” në Prishtinë.
Në Kosovë janë në dispozicion dy lloje të vaksinave, “Pfizer” dhe “AstraZeneca”.
