Ekspertët e rinj të FSK-së për deminim; Foto: Forca e Sigurisë së Kosovës
Ushtria e Kosovës me ekspertë të rinj për deminim
31.3.2023 - 16:21
Forcës së Sigurisë së Kosovës i janë shtuar të premten ekspertë të rinj të deminimit.
FSK ka njoftuar se sot në ambientet e Kompanisë së Deminimit në Prizren, është mbajtur ceremonia e certifikimit të kursit një mujor për EOD niveli i 2-të.
Komandanti i Gardës Kombëtare, gjeneral brigad, Naim Haziri u ka uruar suksese kursantëve dhe u ka premtuar mbështetjen e tij dhe të komandantit të FSK-së në eliminimin e mjeteve të pashpërthyera në gjithë territorin e Kosovës.
Këta kursantë do u bashkohen ekipeve të deminimit në terren dhe atyre të EOD-së, të cilët sic thotë FSK janë në gatishmëri 24/7 për t’u përballur me mjetet eksplozive të pashpërthyera që paraqesin rrezik për qytetarët e vendit.