Ushtarët shqiptarë asgjësojnë një bombë 500-kilogramëshe të kohës së Luftës së Dytë Botërore

Forcat e xhenios të Ushtrisë Shqiptare kanë asgjësuar sot një bombë të kohës së Luftës së Dytë Botërore.

Bomba 500-kilogramëshe është gjetur në ish-fushën e aviacionit në Tiranë.

Lajmin e ka bërë të ditur ministrja e Mbrojtjes, Olta Xhaçka.

Pjesëtarët e xhenios e zhvendosën bombën në poligonin e Bizës, ku e asgjësuan në mënyrë të kontrolluar dhe plotësisht të sigurt.