Ushtarë amerikanë të KFOR-it kryejnë patrullime në Leposaviq

Ushtarë amerikanë që i përkasin Komandës Rajonale Lindje të misionit të KFOR-it kanë kryer një patrullim rutinor në komunën veriore të Kosovës, Leposaviq.

Në njoftim thuhet se patrullime të tilla bëhen në baza ditore.

“Patrullat janë një nga disa aktivitete që KFOR-i kryen në baza ditore, në mbështetje të sigurisë së qëndrueshme në mbarë Kosovën”- thuhet në njoftimin e KFOR-it.

Tutje në njoftim thuhet se KFOR-i po vepron sipas rezolutës 1244 të Këshillit të Sigurimit të OKB-së, për të ofruar mjedis të sigurt për të gjitha komunitetet që jetojnë në Kosovë.