"Ura Tibetiane", atraksioni më i ri në Grykën e Rugovës
19.11.2019 - 16:17
Qyteti i Pejës është pasuruar me një atraksion të ri të quajtur ” Ura Tibetiane”.
Sot gjatë ditës në Grykën e Rugovës është bërë hapja zyrtare e projektit “Ura Tibetiane” dhe Via Ferrata “Marimangat”.
Sipas të dhënave të siguruara nga KALLXO, Ura Tibetiane në Grykën e Rugovës është konstatuar të jetë më e gjata në Gadishullin Ballkanik në total prej 41 metra.
Ky inovacion turistik mësohet se është projekt kapital i financuar nga Komuna e Pejës -Drejtorati për Zhvillim Ekonomik, Agjencia Zvicerane për Zhvillim dhe bashkëpunimi përmes projektit Promovimi i Punësimit në Sektorin Privat dhe implementuar nga Shoqata e Alpinistëve “Marimangat e Pejës”.