UNMIK kërkon të ndërmerren hapa urgjent për të rivendosur qetësinë në veri
Shefja e UNMIK, Caroline Ziadeh ka thënë se po i ndjek me shqetësim situatën në veri të Kosovës.
Ajo ka bërë thirrje që të gjithë të përmbahen nga veprimet e mëtejshme përshkallëzuese dhe të ndërmarrin hapa urgjent për të rivendosur qetësinë.
“PSSP Ziadeh po ndjek me shqetësimin më të madh situatën në zhvillim në veri të Kosovës . Ajo u bën thirrje të gjithëve që të përmbahen nga veprimet e mëtejshme përshkallëzuese dhe të ndërmarrin hapa urgjent për të rivendosur qetësinë. Ajo thekson nevojën për të gjetur një zgjidhje brenda kuadrit të Dialogut të lehtësuar nga BE” – thuhet në reagim.
SRSG Ziadeh is following the developing situation in northern #Kosovo with utmost concern. She calls on all to refrain from further escalatory actions & take urgent steps to restore calm.She stresses the need to find a solution within the framework of the EU-facilitated Dialogue.
— UNMIK (UN Mission in Kosovo) (@UNMIKosovo) May 26, 2023
Që nga mesdita, në katër komunat e veriut të vendit është dëgjuar alarmi, ndërsa pranë disa objekteve komunale, si në Zveçan e në Zubin Potok, janë parë qytetarë të cilët kanë kundërshtuar futjen e kryetarëve të zgjedhur në objektet komunale.
Pesë policë të Kosovës kanë pësuar lëndime të lehta trupore, pasi janë sulmuar nga protestuesit në Zveçan me mjete të forta dhe shok-bomba, ka konfirmuar Policia e Kosovës.
KALLXO.com po raporton në kohë reale nga veriu i Kosovës.