UNDP-ja dhuron materiale mbrojtëse për Policinë e Kosovës
25.3.2020 - 15:14
Programi i Kombeve të Bashkuara për Zhviillim (UNDP) ka dhuruar sot materiale mbrojtëse për Policinë e Kosovës.
Sipas njoftimit, UNDP e ka ndihmuar policinë me 4 mijë maska mbrojtëse, 4 mijë dorëza gome dhe dhe 500 copë sanitizues dore me bazë alkooli.
Gjatë dorëzimit të materialeve mbrojtëse ishin edhe Përfaqësuesja e Përhershme e UNDP-së, Maria Suooko dhe përfaqësues të Policisë së Kosovës.
“UNDP vlerëson lartë punën vetëmohuese të PK-së që vazhdon të demonstrojë një nivel të lartë profesionalizmi, përfshirë angazhimin për të shërbyer në mbrojtjen dhe ruajtjen e sigurisë së të gjithë qytetarëve në Kosovë, veçanërisht në këtë situatë të vështirë”, thuhet në njoftim.