Ukraina pretendon se 24 orët e fundit janë më vdekjeprurëset e luftës për trupat ushtarake ruse
Zyrtarë nga Ushtria e Ukrainës ka thënë të martën se 24 orët e fundit ishin më vdekjeprurësit e luftës për trupat ruse. Sipas tyre numri e të vrarëve ushtarakë rusë me 1,030 brenda natës në total 133,190, rritja më e madhe e vdekjeve ditore ushtarake ruse që nga fillimi i luftës në shkurt 2022. Rusia gjithashtu ka thënë se ka vrarë një numër të madh trupash ukrainase në javët e fundit, duke pretenduar se ka shkaktuar 6,500 viktima ukrainas në muajin janar.
Parlamenti i Ukrainës e ka miratuar emërimin e Ihor Klymenko si ministrin e ri të punëve të brendshme dhe Vasily Malyuk si shefin e ri të shërbimeve të sigurisë, të njohur si SBU. Presidenti Volodymyr Zelenskiy e falënderoi parlamentin për miratimin e kandidatëve të tij të propozuar dhe bëri thirrje për t’i dhënë fund “thashethemeve ose çdo pseudo-informacioni tjetër” që mund ta minojë unitetin.
Gjermania, Danimarka dhe Holanda i kanë njoftuar planin e tyre për t’i siguruar Ukrainës të paktën 100 tanke luftarake të rinovuar Leopard 1. Në një deklaratë të përbashkët, ministrat e tyre të mbrojtjes thanë se dërgesa e Leopard 1 më të vjetër ishte pjesë e një përpjekjeje “për ta mbështetur Ukrainën në përpjekjet e saj për t’i bërë ballë agresionit rus”. Dorëzimi do të ndodhë “brenda muajve të ardhshëm” dhe do të përfshijë mbështetje logjistike dhe trajnim.
Ministria gjermane e mbrojtjes ka thënë se tanket luftarake Leopard 2A6 do të jenë në dispozicion të Ukrainës deri në fund të marsit. Udhëheqësi i prodhuesit gjerman të armëve Rheinmetall ka thënë gjithashtu se pret të dërgojë 20 deri në 25 tanke Leopard 1 në Ukrainë këtë vit. Ministri i Mbrojtjes i Gjermanisë, Boris Pistorius, bëri një vizitë të papritur në Kiev të martën.
Zyrtari më i lartë i sigurisë kombëtare i Ukrainës, Oleksiy Danilov, ka thënë se ka besim se vendi i tij do të marrë përfundimisht avionë luftarakë F-16 të prodhuar nga SHBA. është “vetëm çështje kohe” përpara se Kievi të merrte F-16-të, tha për CNN Danilov, sekretar i këshillit të sigurisë kombëtare dhe mbrojtjes të Ukrainës. Ai sugjeroi gjithashtu se Ukraina mund të jetë në gjendje ta godasë Rusinë në territorin e saj, përtej Ukrainës së pushtuar.
Kanë shpërthyer akuza mes zyrtarëve të BE-së pasi u zbulua një vizitë e mundshme në Bruksel nga Zelenskiy, duke ngritur shqetësime për sigurinë e tij. Zelenskiy u raportua se po planifikonte një udhëtim në Bruksel këtë të enjte për të takuar personalisht liderët e BE-së në një samit dhe për t’iu drejtuar Parlamentit Evropian në një seancë të jashtëzakonshme.
Ministri rus i mbrojtjes, Sergei Shoigu, ka paralajmëruar se furnizimet perëndimore të armëve për Ukrainën po e “zvarritin” NATO-n në konflikt, gjë që mund të çojë në një “nivel të paparashikueshëm të përshkallëzimit”. Në komentet gjatë një konference me zyrtarë ushtarakë, të cituar nga agjencia shtetërore e lajmeve Tass, Shoigu e akuzoi SHBA-në dhe aleatët e saj se “po përpiqen ta zgjasin sa më shumë konfliktin” duke e furnizuar Kievin me ato që ai e përshkroi si “armë të rënda sulmuese”./ The Guardian
Përgatiti: Nuhi Shala
