Uber u jep shujta falas punonjësve të kujdesit shëndetësor
Kompania Uber po u jep falas ushqime punonjësve shëndetësorë dhe punonjësve që po ndihmojnë në luftimin e pandemisë së coronavirusit.
Kështu ka thënë për CNBC, Nelson Chai, shef financiar i kompanisë Uber të hënën.
“Ne do të dërgojmë mbi 300,000 ushqime për zyrtarët shëndetësorë dhe për ndihmën e parë. Ne jemi duke bërë atë që mundemi”, tha Chai.
Ka të paktën 3 mijë e 774 raste të konfirmuara të coronavirusit në ShBA dhe të paktën 69 njerëz kanë vdekur që nga e diela, sipas Universitetit Johns Hopkins.
Në nivel global deri më tani janë shënuar mbi 174 mijë raste me coronavirus. Kurse janë shënuar 6 mijë e 684 vdekje, kurse janë shëruar 77 mijë e 865 raste.
Organizata Botërore e Shëndetësisë ka shpallur coronavirusin pandemi pas rritjes së numrit të të prekurve sidomos në Europë.