Amir Hoxha, Foto: Facebook
U suspendua pasi kërkoi pagesë për shujtat e policëve, Amir Hoxha lë Policinë e Kosovës
21.4.2022 - 18:07
Amir Hoxha, zyrtar policor, ka njoftuar se nga sot nuk është më polic i Kosovës.
Hoxha këtë e ka bërë të ditur në profilin e tij në Facbook.
“Zyrtarisht jo më polic”, shkroi ai në Facebook.
Amir Hoxha u suspendua pas një postimi të bërë në rrjete sociale ku kërkonte pagesë për shujtat për policët dhe kritikonte deputetët e Kuvendit të Kosovës për shpenzimet me derivate.
Sindikata e Policisë pati thënë se rastet e fundit të suspendimit të policëve kanë qenë shqetësuese për sindikatën dhe se do të kërkojnë sqarim për arsyet e suspendimit.
Ndërsa, Inspektorati i Policisë së Kosovës ka thënë se rasti i suspendimit të policit Amir Hoxha nuk është duke u trajtuar nga ky organ mbikëqyrës i forcave të rendit.