U gjet i vdekur në shtëpinë e tij në Prishtinë, Policia jep detaje për rasti i 79-vjeçarit
Një burrë 79-vjeçar është gjetur i vdekur në shtëpinë e tij në Prishtinë në mbrëmjen e 2 shkurtit nga ana e Policisë së Kosovës, të cilët ishin shoqëruar nga një e afërme e viktimës.
Fillimisht, kjo e fundit ishte ankuar në Polici se ka rreth një javë që nuk e kishte kontaktuar viktimës dhe se i njëjti nuk po lajmërohej në telefon.
Lajmin për KALLXO.com e ka konfirmuar zëdhënësi i Policisë së Kosovës, Bajram Krasniqi.
Policia ka treguar se viktima jetonte vetëm në shtëpinë e tij dhe në momentin kur është hapur dera ai është gjetur i shtrirë në tokë.
Vdekja e viktimës është konstatuar nga stafi mjekësor i Emergjencës.
Lidhur me rastin është thënë se është konsultuar edhe prokurori i shtetit, përderisa trupi i viktimës është dërguar në Institutin e Mjekësisë Ligjore për obduksion.
Rasti sipas raportit policor është duke u hetuar si “Hetim mbi vdekjen”.