Ilustrim
Tri raste të dhunës në familje në rajonin e Prishtinës
Në 24 orët e fundit, në Policinë e Kosovës janë raportuar tri raste të dhunës në familje.
Dy raste janë shënuar në Prishtinë, ndërsa një tjetër në Fushë Kosovë.
“Dje rreth orës 21:00 është arrestuar i dyshuari, pasi që i njëjti pas një mosmarrëveshje ka ushtruar dhunë fizike dhe psikike ndaj viktimës femër”, ka njoftuar Policia.
I dyshuari, sipas Policisë, pas intervistimit me vendim të prokurorit është dërguar në mbajtje.
Policia ka arrestuar edhe një tjetër të dyshuar pasi që i njëjti pas një mosmarrëveshje e ka sulmuar fizikisht bashkëshorten e tij.
I dyshuari është dërguar në mbajtje pas intervistimit me vendim të prokurorit.
Rreth orës 22:45 është raportuar se i dyshuari pas një mosmarrëveshje e ka sulmuar fizikisht bashkëshorten e tij.
Viktima ka pranuar trajtim mjekësor, ndërsa i dyshuari pas intervistimit është liruar në procedurë të rregullt. Policia njoftoi se të tri rastet janë duke u hetuar.