Tre të lënduar në një aksident trafiku në Celinë të Rahovecit
22.8.2024 - 15:43
Tre persona janë lënduar si pasojë e një aksidenti që ka ndodhur në fshatin Celinë të Rahovecit, sot më 22.08.2024.
Këtë e ka konfirmuar për KALLXO. com zëdhënësi i Policisë për Rajonin e Gjakovës, Sheremet Elezaj.
Aksidenti raportohet të ketë ndodhur rreth orës 14:20, me ç’rast personat e lënduar janë dërguar për trajtim mjekësor.
Sipas Elezajt, në aksident kanë qenë të përfshirë një kamion dhe një veturë.
“Përveç dëmeve të konsiderueshme materiale tre persona janë dërguar për trajtim mjekësor. Njësia e trafikut rajonal është duke trajtuar rastin”- ka thënë Elezaj për KALLXO.com
