Foto: Ilustrim
Tre punëtorë lëndohen në vendin e punës në Gjakovë e Malishevë
17.9.2019 - 13:57
Tre persona kanë pësuar lëndime në vendin e punës dje.
Policia ka njoftuar se rasti i parë është raportuar në Malishevë, ku një person është lënduar rreth orës 12:00.
Viktima e këtij rasti ka kërkuar ndihmë mjekësore, pas lëndimeve që ka pësuar në vendin e tij të punës.
Policia ka njoftuar se në vendin e ngjarjes kanë dalë njësitet përkatëse dhe janë duke e hetuar rastin.
Rasti i dytë ka ndodhur në rajonin e Gjakovës ku është raportuar dy persona kanë pësuar lëndime trupore derisa kanë qenë duke punuar.
Viktimat e këtij rasti janë dërguar në spital për tretman mjekësor dhe sipas mjekëve janë jashtë rrezikut për jetë.