Tre kandidatët e Biden për Sekretar të Shtetit
Me fitoren e shpallur në zgjedhjet presidenciale në Shtetet e Bashkuara të Amerikës, mediat kanë nisur të përmendin emra se kush mund të emërohet në pozitat kyçe në administratën e Joe Biden.
Detyra e Sekretarit Amerikan të Shtetit është ndër kryesoret e cila i intereson opinionit në Kosovë ndërsa CNN ka përmendur tre kandidatë që mund ta marrin këtë post duke e trashëguar Mike Pompeon e administratës së Donald Trump.
Detyrat e Sekretarit të Shtetit kanë të bëjnë me politikën e jashtme dhe imigracionit të Shteteve të Bashkuara. Gjithashtu duhet të këshillojë presidentin për çështje të jashtme të SHBA siç janë emërimi i diplomatëve dhe ambasadorëve. Sekretari i Shtetit mund të zhvillojë negociata, të interpretojë dhe përfundojë traktatet në lidhje me politikën e jashtme.
Kandidatët e propozuar nga presidenti Biden janë: Susan Rice, Antony Blinken edhe Chris Coons, transmeton CNN.
Susan Rice
Susan Rice ka qenë pjese e administratës Obama si ambasadore në Kombet e Bashkuara dhe Këshilltare e Sigurisë Kombëtare. Ajo ka shërbyer edhe në administratën e Clinton si ndihmëse speciale e presidentit dhe drejtorit të lartë për çështjet afrikane në Shtëpinë e Bardhë, ndihmës sekretare për Byronë e Çështjeve Afrikane në Departamentin e Shtetit dhe drejtore e organizatave ndërkombëtare dhe paqeruajtjes në Këshillin e Sigurisë Kombëtare. Rice ishte në listën e ngushtë të grave që Biden ka zgjedhur për Zëvendës Presidente.
Rice në një moment mendohej të ishte zgjedhja e duhur për të pasuar Hillary Clinton si Sekretare e Shtetit, por në 2012 ajo u tërhoq për të shmangur një betejë të hidhur. Rice ishte shënjestër e kritikave republikane pas komenteve që ajo bëri në një shfaqje televizive, duke mbrojtur administratën e Obamës për trajtimin e sulmeve të 11 shtatorit 2012, në konsullatën e Bengazit nga e cila mbet i vrarë ambasadori Chris Stevens dhe tre amerikanë të tjerë.
Rice kishte kritikuar emërimin e Richard Grenell si Drejtor në detyrë i Zbulimit Kombëtar nga presidentit Trump, duke thënë se ai është “pazarxhi” dhe “një nga njerëzit më të këqij, të pandershëm që kam hasur ndonjëherë”.
Antony Blinken
Blinken ishte pjesë e administratës së Obamës si zëvendës sekretar i shtetit dhe ndihmës i presidenti. Ai shërbeu si këshilltar i sigurimit kombëtar të Zëvendës Presidentit të atëhershëm Biden dhe zëvendës ndihmës i presidentit gjatë mandatit të parë të Obamës. Ai ka qenë një anëtar i vjetër në Qendrën për Studime Strategjike dhe Ndërkombëtare, dhe drejtori i stafit Demokrat në Komitetin e Senatit të SHBA për Marrëdhëniet e Jashtme.
Gjatë administratës së Klintonit, Blinken shërbeu si anëtar i stafit të Këshillit të Sigurisë Kombëtare në Shtëpinë e Bardhë dhe mbajti role si ndihmësi special i presidentit, drejtori i lartë për çështjet evropiane dhe drejtori i lartë për shkrimin e fjalës dhe më pas planifikimin strategjik. Ai ishte shkrimtari kryesor i politikës së jashtme të Klintonit.
Blinken po konsiderohet gjithashtu si këshilltar i sigurisë kombëtare
Chris Coons
Coons aktualisht zë të njëjtën vend të Senatit nga Delaware që mbajti Biden për dekada. Një aleat për një kohë të gjatë i Biden, Coons ishte një nga anëtarët e parë të Kongresit që mbështeti Biden kur deklaroi kandidaturën e tij për President në 2020. Gjatë karrierës së tij në Senat, Coons ka qenë i njohur për punën dhe krijimin e marrëdhënieve të forta me republikanët e profilit të lartë që ndanin interesa të përbashkëta.
Kabineti i Presidentit të Shteteve të Bashkuara të Amerikës përfshin nënkryetarin dhe drejtuesit e 15 departamenteve ekzekutive: Bujqësisë, Tregtisë, Mbrojtjës, Arsimit, Energjisë, Shëndetësisë dhe Shërbimet Njerëzore, Sigurisë së Vendit, Strehimit dhe Zhvillimit Urban, Punëve të Brendshme, Drejtësisë, Punës, Shtetit, Transportit, Thesarit dhe Veteranve..