Foto: Urim Krasniqi/KALLXO.com
Totaj i PDK-së tregon se kush po ia financon fushatën zgjedhore
Kandidati i PDK-së për kryetar të Komunës së Prizrenit, Shaqir Totaj i është përgjigjur pyetjeve të shkurtra të Jeta Xharrës në Debat Pernime.
Ai ka treguar se kush po ia financon fushatën, a do të jap dorëheqje nëse i ngritet aktakuzë, cili do të jetë vendimi i parë nëse merr mandatin e kryetarit, dhe çështje të tjera.
Jeta Xharra: Kush po ua financon fushatën? Me mjete vetanake.
Shaqir Totaj: Miq, familajrë, shokë, dashamirë, të gjithë vullentarë.
Jeta Xharra: A jepni dorëheqje nëse ju ngrisin aktakuzë?
Shaqir Totaj: Patjetër, kjo nuk diskutohet.
Jeta Xharra: A i shkarkoni drejtorët e komunës nëse ju ngritet aktakuzë?
Shaqir Totaj: Patjetër, kjo nuk diskutohet.
Jeta Xharra: Kur do t’a publikoni listën e uzurpatorëve të pronave komunale?
Shaqir Totaj: Posa ta marr pushtetin dhe ta kem atë listë do ta publikojmë.
Jeta Xharra: A do t’a vendosni kriter të plotë që drejtorët e shkollave të jenë apolitik?
Shaqir Totaj: Definitivisht, kjo as që diskutohet.
Jeta Xharra: A do të nisni procedura disiplinore për zyrtarët e komunës për të cilët raporti i auditorit ka gjetur shkelje?
Shaqir Totaj: Normalisht që po.
Jeta Xharra: Cili do jetë vendimi i parë që keni me e marrë si kryetar i komunës?
Shaqir Totaj: Vendimi i parë me siguri emërimi i drejtorëve nëpër drejtori.
Jeta Xharra: A vjen në debat nëse i fitoni zgjedhjet?
Shaqir Totaj: Definisht se po, nuk kemi arsye me ik nga mediat.