Foto: Urim Krasniqi/KALLXO.com
Time Kadrijaj i kërkon sqarim ministrit Vitia për mungesë të Insulinave
Time Kadrijaj, deputete nga radhët e AAK-së, në seancën e sotme plenare, tha se qytetarët po përballen me mungesë të insulinave.
Ajo ka drejtuar pyetje te ministri i Shëndetësisë, Arben Vitia për të kërkuar sqarim për këtë çështje.
“Pse nuk ka mjaftueshëm insulina duke e ditur se pacientët nuk guxojnë pa u trajtuar në bazë ditore me insulinë. Po të mos trajtohen ju i dini pasojat për pacientë”, tha ajo.
Ministri i Shëndetësisë Arben Vitia, tha se nisma e aktivitetit të prokurimit për insulina ka filluar vitin e kaluar, shumë keq e me shumë gabime.
“Kjo procedurë për shkak të shumë problemeve është e pa përfunduar”, tha Vitia.
“Jemi në proces të procedurës dhe presim brenda muajit të kontraktohet sasi e mjaftueshme deri në përfundimin e procedurës së lartcekur”, tha Vitia.
Kadrijaj tha se qytetarët po detyrohen të sigurojnë insulinë në Shqipëri.
KALLXO.com raportoi të enjten për mungesën e insulinave në institucionet shëndetësore në Kosovë, të cilat janë shumë të rëndësishme për personat që vuajnë nga diabeti.
