Thirrje kundër Kosovës, ndërpritet ndeshja Rumani - Kosovë

Për shkak të thirrjeve kundër Kosovës nga tifozët rumunë është ndërprerë ndeshja Rumani-Kosovë që po zhvillohet në “Arena Nationala” në Bukuresht.

Tensionet dhe thirrjet anti-Kosovë shpërthyen pak minuta para përfundimit të takimit, kur kombëtarja kosovare po dominonte në fushë.

Deri në ndërprerjen e ndeshje rezultati ishte  0:0.

Kombëtarja kosovare është larguar nga fusha dhe ende nuk dihet epilogu i takimit.

Kosova po luan ndeshjen vendimtare ndaj Rumanisë, në kuadër të Grupit 2 në Ligën C të Ligës së Kombeve.

Takimi i parë i dy kombëtarëve në kuadër të këtij grupi, i zhvilluar më 06.09.2024, në stadiumin “Fadil Vokrri” u fitua nga kombëtarja rumune 3:0.