Thirrje e hapur: Seminar për të rinjtë mbi teknikat e raportimit dhe kontrollit të fakteve
Të rinjtë nga vendet e Ballkanit Perëndimor ftohen të aplikojnë për një seminar mbi teknikat e raportimit dhe kontrollimit të fakteve në temat e drejtësisë tranzicionale, tregimit të së vërtetës dhe kujtesës. Ftojmë të rinj nga çdo disiplinë që janë të interesuar për këto tema të paraqesin një propozim për t’u bashkuar me ne në këtë seminar.
Teknika e raportimit është thelbësore për procesin e drejtësisë tranzicionale sepse ajo ka fuqinë të zbulojë mizoritë dhe kujtimet e fshehura personale që mund të përdoren për të inkurajuar ndarjen e mëtejshme të përvojave të ngjashme dhe për të zgjeruar njohuritë e këtyre narrativave. Për viktimat e krimeve dhe mizorive të kohës së luftës, tregimi i historisë ka një aspekt shërues, pasi u jep atyre një zë dhe garanton njohjen e përvojave dhe traumave të tyre.
Rrjeti Ballkanik i Gazetarisë Investigative, BIRN, po organizon një seminar tre-ditor ndërveprues në të cilin pjesëmarrësit do të shqyrtojnë kërkimin e së vërtetës dhe pajtimin si një ushtrim në tregimin e historive. Seminari do të drejtohet nga gazetarë dhe redaktorë të BIRN që kanë fituar çmime të ndryshme dhe do të analizojë se si të shmangni grackën e prodhimit të historive që banalizojnë krimet e luftës dhe përvojat e viktimave dhe nxisin mosndëshkimin. Pjesëmarrësit gjithashtu do të mësojnë se si të krijojnë hapësirë të sigurt, të pavarur dhe të dhembshur për viktimat që tregojnë historitë e tyre.
Pas seminarit, BIRN do të sigurojë fonde dhe udhëzime për pjesëmarrësit që ata të realizojnë vetë historitë e tyre me video.
Seminari do të mbahet në përputhje me rregulloret aktuale shëndetësore kundër përhapjes së koronavirusit.
BIRN dhe partneri (partnerët) e tij mbështeten nga RYCO brenda Thirrjes së katërt të Hapur për Propozime Projektesh të bashkëfinancuar nga Bashkimi Evropian.
Kush mund të aplikojë?
Gazetarë të rinj, studentë, aktivistë dhe kushdo tjetër që është i interesuar të adresojë këto çështje. Ne inkurajojmë veçanërisht të rinjtë nga komunitetet e margjinalizuara që të aplikojnë. Asnjë përvojë e mëparshme nuk është e nevojshme. Do të pranojmë aplikime nga njerëz të moshës nga 18 deri në 30 vjeç.
Si mund të aplikojmë?
Të gjitha aplikimet duhet të dorëzohen në gjuhën angleze, boshnjake ose shqipe në [email protected] së bashku me CV-në e aplikuesit dhe letrën e motivimit.
DATA E SEMINARIT: 26-28 korrik 2021 (seminar tre ditor)
GJUHA: Seminari do të zhvillohet në gjuhën angleze
THIRRJE PËR APLIKIME: Shkarkoni këtu
AFATI PËRFUNDIMITAR: 20 qershor në mesnatë sipas orës së Evropës Qendrore.
