Therja me thikë në një market në Deçan, arrestohet i dyshuari

Një person është therur me thikë dje, më 08.09.2024 në 22:35h, në Rrugën ‘Luan Haradinaj’ në Deçan.

Therja dyshohet se ka ndodhur në një market, teksa i dyshuari më pas ishte larguar në drejtim të pa njohur.

I njëjti është arrestuar sot, më 09.09.2024 pas një pune intensive të Stacionit Policor në Deçan.

Viktima ishte dërguar me autoambulancë për në Spitalin Rajonal, e me vonë me udhëzim të mjekut  kujdestarë është dërguar për në Qendrën Klinike Universitare të Kosovës në Prishtinë.

I gjithë rasti është iniciuar si “Vrasje në tentativë”.

Vrasje në tentativë në Deçan, viktima u ther me thikë