Thellohet kriza, virusi prek mjekët e Prishtinës
26.6.2020 - 21:59
Sot në Prishtinë janë identifikuar pesë punonjës shëndetësorë si të infektuar me COVID-19.
Kështu ka thënë Bujar Gashi, drejtor i Shëndetësisë në Komunën e Prishtinës.
“Pesë punonjës: një mjek dhe katër infermierë”, ka thënë ai në një bisedë për KALLXO.com.
Gashi ka dhënë edhe detaje për gjendjen e tyre shëndetësore.
“Mirë janë, nuk kanë ndonjë problem apo simptomë, sot i kemi dërguar në vetizolim e po ashtu edhe kontaktet e tyre”, tha ai.
Punonjësit shëndetësorë janë nga dy qendrat e mjekësisë familjare në Prishtinë, njëra në qendër të qytetit dhe tjetra në lagjen “Mati 1”.