Thaçi takon Valdete Dakën, bisedojnë për zgjedhjet në Podujevë dhe Mitrovicë të Veriut

Presidenti i Republikës së Kosovës, Hashim Thaçi, ka takuar kryetaren e KQZ-së, Valdete Dakën, për të biseduar për zgjedhjet e jashtëzakonshme në Podujevë dhe Mitrovicë të Veriut.

Presidenti Thaçi dhe kryetarja Daka kanë biseduar për mundësitë e organizimit të zgjedhjeve të jashtëzakonshme për Kryetar në Komunën e Podujevës dhe në Komunën e Mitrovicës së Veriut.

Në mbështetje të nenit 6 të Ligjit Nr. 03/L-094 për Presidentin e Republikës së Kosovës, nenit 4 të Ligjit nr. 03/L-072 për Zgjedhjet Lokale në Republikën e Kosovës, si dhe duke marrë parasysh kërkesën e Komisionit Qendror të Zgjedhjeve, Presidenti i Republikës së Kosovës kishte shtyrë mbajtjen e zgjedhjeve të jashtëzakonshme për Kryetar në Komunën e Podujevës dhe në Komunën e Mitrovicës së Veriut, me qëllim të parandalimit të përhapjes së pandemisë COVID-19.