Presidenti Hashim Thaçi - Foto: KALLXO.com
Thaçi: Është koha që Kosova të bëhet anëtare e plotë e OKB-së
Presidenti i Kosovës, Hashim Thaçi në 75 vjetorin e Organizatës së Kombeve të Bashkuara, ka deklaruar se është koha që Kosova të bëhet anëtare e plotë e OKB-së.
Thaçi ka theksuar se roli i misionit të OKB-së ka qenë tejet i rëndësishëm në Kosovë, si në demokratizimin, ashtu edhe në ndërtimin e institucioneve, që më vonë e shpallën edhe pavarësinë.
“Sot shënohet Dita e OKB-së. Ne, më shumë se çdo vend tjetër në botë, e dimë rolin dhe rëndësinë që kjo organizatë ka pasur në krijimin e paqes dhe stabilitetit në rajonin tonë. Roli i misionit të OKB-së ka qenë tejet i rëndësishëm në Kosovë, si në demokratizimin, ashtu edhe në ndërtimin e institucioneve, që më vonë e shpallën edhe pavarësinë”, ka shkruar ai në Facebook.
“Ne i jemi mirënjohës OKB-së për punën e madhe që po bënë për promovimin e paqes, sigurisë dhe stabilitetit në Kosovë dhe gjithandej botës. Ndërsa, tani është koha që Kosova të bëhet anëtare e plotë e kësaj organizate”, thuhet në publikimin e presidentit.