Foto: Facebook/ Hashim Thaçi
Thaçi e quan zgjedhje të shkëlqyer emërimin e Grenell në Inteligjencën Kombëtare të SHBA-së
Presidenti i Kosovës, Hashim Thaçi e ka përshëndetur vendimin e presidentit të SHBA-së Donal Trump për ta emëruar ambasadorin Richard Grenell si ushtrues detyre të Inteligjencës Kombëtare .
Thaçi e ka quajtur zgjedhje të shkëlqyer zgjedhjen e presidentit Trump.
“Ambasadori Grenell ka bërë një punë të madhe si i dërguar i posaçëm për dialogun midis Kosovës dhe Serbisë. Rick, ju uroj suksese të mëdha në misionin tuaj të ri për të mbajtur SHBA-të dhe botën më të sigurtë”, ka shkruar Thaci në Twitter.
A great pick by @realDonaldTrump to appoint @RichardGrenell as acting Director of National Inteligence. Ambasador Grenell has done a terrific job as SE on the dialogue between Kosovo & Serbia. I wish you Rick great success in your new mission to keep USA and the world safer. https://t.co/qLEzxTyVYx
— Hashim Thaçi (@HashimThaciRKS) February 20, 2020
Richard Grenell përveç pozitës së re që i është besuar është edhe ambasador i SHBA-së në Gjermani dhe i dërguar i Shtëpisë së Bardhë për dialogun Kosovë-Serbi.
Me ndërmjetësimin e Grenellit, Kosova dhe Serbia kanë nënshkruar marrëveshje për linjë ajrore, hekurudha dhe autostrada.
