Tentohet kontrabandimi i dy sirianëve në Kosovë, kapen nga Policia në rimorkio të kamionit

Policia e Kosovës ka njoftuar se ka parandaluar kontrabandimin e dy shtetasve sirian në Kosovë.

Sipas raportit 24-orësh policor, ngjarja ka ndodhur dje, më 06.08.2024 në 10:45 në Pikën e Kalimit Kufitar në Hani të Elezit.

Policia tha se gjatë kontrollit të kamionit, të cilën e drejtonte një shtetas i Malit të Zi, në rimorkio janë gjetur dy persona të cilët nuk posedonin dokumente.

Policia tha se me vendim të prokurorit, drejtuesi i kamionit pas intervistimit është liruar në procedurë të rregullt.

Tutje PK tha se shtetasit sirianë i janë dorëzuar njësisë së migrimit të Policisë për veprime tjera procedurale.