Ndërmarrja Publike “Telekomi i Kosovës”, Foto: Valon Fana, KALLXO.com.
Telekomi rikthen shërbimet pas sulmeve kibernetike
13.9.2022 - 21:35
Telekomi i Kosovës ka qenë shënjestër e sulmeve kibernetike gjatë ditës së sotme.
Fadil Lepaja nga Zyra për Komunikim në Telekomin e Kosovës ka thënë për KALLXO.com se janë rikthyer shërbimet të cilat kanë qenë cak i sulmeve kibernetike.
“Edhe pse sulmet kanë vazhduar, Telekomi i Kosovës ka rikthyer shërbimet e prekura të internetit në rrjetin e telefonisë mobile dhe fikse”- ka thënë ai.
KALLXO.com ka raportuar për sulmin kibernetik me të cilin është përballur Telekomi i Kosovës.
