Teatri i Gjilanit ‘mbledhë’ sot në mbrëmje 'deputetët në parlament' 

Teatri i Qyteti të Gjilanit, shfaq sot në mbrëmje në faqen e tij në Facebok, dramën “Mbledhje n’ parlament”. 

Shfaqja jepet në formatin online–livestream në ora 20:00 dhe shfaqet në kuadër të kalendarit të përbashkët të teatrove kosovare për muajin prill. 

Gjithçka ndodh në një dhomë hoteli. Politika, lojërat me pushtetin, intrigat, shantazhi, të gjitha bashkë vijnë në një ndërthurje personazhesh shumë komike dhe shumë interesante, duke u munduar që nëpërmjet humorit anglez të sjellin realitetin mes pushtetit e korrupsionit në përgjithësi.  

Shfaqja është prodhuar nga Teatri i Qytetit të Gjilanit në vitin 2014.