Të shtëna me armë zjarri në aheng, arrestohet 65-vjeçari në Suharekë

Një person në fshatin Peqan në Suharekë është arrestuar më 01.08.2024, nën dyshimet se në një aheng familjar ka gjuajtur me armë zjarri.

Sipas njoftimit të Policisë, te i dyshuari I.B, (viti i lindjes 1959), është gjetur një pistoletë dhe një karikator.

“Patrulla menjëherë ju ka përgjigjur rastit, ka dalë në vendin e ngjarjes dhe ka lokalizuar të dyshuarin I.B (viti i lindjes 1959), mashkull, kosovar shqiptar, të njëjtit i është gjetur dhe sekuestruar ne cilësinë provave materiale një armë: Një pistoletë Arex Delta cal. 9X19 dhe një karikator”- thuhet në njoftim.

I njëjti është shoqëruar në stacionin policor dhe pas përfundimit te procedurave ligjore me urdhër të prokurorit ndalohet për 48 orë.

Ndërsa është bërë e ditur se ndaj tij iniciohet rast “Shkaktim i rrezikut të përgjithshëm” dhe “Mbajtja në pronësi, kontroll ose posedim të paautorizuar të armëve”.

Policia e Prizrenit ka apeluar të gjithë qytetarët për mos përdorim të armëve gjatë gëzimeve dhe ahengjeve familjare pasi në të kaluarën ka pasur raste kur përdorimi i armëve në këto raste ka sjellë pasoja tragjike.

“Andaj ‘Festoni me zemër jo me armë!'”