Të shtëna me armë pas përleshjes në Prishtinë, një i lënduar
15.1.2020 - 14:43
Një përleshje ka ndodhur para rreth një orë në rrugën “Tahir Zajmi”, në Prishtinë.
Lajmin për KALLXO.com e ka konfirmuar zëdhënësja e policisë në rajonin e Prishtinës, Florie Ahmeti.
“Sot rreth orës 13:30 kemi pranuar informatën se në rrugën “Tahir Zajmi” në Prishtinë, ka pasur të shtëna me armë zjarri”, ka thënë Ahmeti.
Ajo tutje ka shtuar se në vendin e ngjarjes kanë dalë njësitet e nevojshme policore dhe po merren me rastin.
Ahmeti poashtu ka bërë të ditur se si pasojë e përleshjes fizike, një person ka pësuar lëndime të lehta trupore.
“Si pasojë e përleshjes fizike në mes të personave të përfshirë në këtë ngjarje një person ka marrë lëndime trupore”, ka thënë Ahmeti.