Të premten shënohet dita memoriale e policëve të rënë në krye të detyrës, organizohen homazhe dhe garë profesionale të kërcimit

Më 26.07.2024 do të shënohet dita memoriale e policëve të rënë në krye të detyrës si dhe 13-vjetori i rënies së heroit Enver Zymeri.

Prej orës 10:00 fillojnë homazhet pranë lapidarit të policëve të rënë në detyrë, i cili gjendet te Drejtoria e Përgjithshme e Policisë.

Në ora 13:00 bëhen homazhe pranë pllakës përkujtimore në vendin e rënies së heroit Enver Zymeri në Zupç të Zubin Potokut.

Garë profesionale e kërcimit në nderim të policëve të rënë do të mbahet me fillim nga ora 14:00 në Liqenin e Ujmanit tek ura e parë.