
Takimi i fundit si emisar i BE-së - Lajçak bisedon me Vuçiqin për Dialogun
I dërguari special i Bashkimit Europian për Dialogun Kosovë-Serbi, Mirosllav Lajçak ka njoftuar se është takuar me presidentin serb, Aleksandër Vuçiq, si takim i fundit në pozitën aktuale të Lajçakut si emisar.
Takimi i tyre ka ndodhur në Davos të Zvicrës, ku po mbahet Forumi Ekonomik Botëror.
Lajçak thotë se me Vuçiqin kanë folur për gjendjen e Dialogut.
“Në takimin tonë të fundit të pozitës sime aktuale, presidenti Vuçiq dhe unë folëm për situatën në Dialog. Theksova se Marrëveshja e Ohrit e vitit 2023 hapi rrugën përpara drejt normalizimit. Progresi i mëtutjeshëm është në interes të Serbisë, Kosovës dhe të ardhmes së tyre BE.” – shkroi Lajçak në platformën X.
In our last meeting in my current role, @predsednikrs @avucic and I spoke about the state of play in the Dialogue. I underlined that the 2023 Ohrid Agreement paved the way forward towards normalisation. Further progress is in the interest of Serbia, Kosovo and their 🇪🇺 future. pic.twitter.com/BoVjpWS7iJ
— Miroslav Lajčák (@MiroslavLajcak) January 21, 2025
Lajçakut i skadon mandati si emisar për Dialogun, më 31.01.2025.
Në media është raportuar se përfaqësuesja e lartë e Bashkimit Evropian për politikë të jashtme dhe siguri, Kaja Kallas ka vendosur që diplomati nga Danimarka, Peter Sorensen të jetë përfaqësues i posaçëm për Dialogun mes Kosovës dhe Serbisë.