Foto Ilustrim: Urim Krasniqi/KALLXO.com
Suspendohet polici, dyshohet se doli i dehur në punë
15.9.2021 - 21:50
Një pjesëtar i Policisë së Kosovës është suspenduar sot nën dyshimin se ka dalë në punë në gjendje të dehur.
KALLXO.com merr vesh se polici i suspenduar është S.M.
Suspendimin e zyrtarit policor e ka konfirmuar për KALLXO.com zëvendësdrejtori i Drejtorisë Rajonale të Policisë së Kosovës të Mitrovicës së Veriut, Besim Hoti.
Sipas Hotit, rasti ka ndodhur sot rreth orës 14:00.
“Po, është suspenduar sot me kërkesë të komandantit të stacionit dhe aprovim të drejtorit rajonal”, ka thënë Hoti për KALLXO.com.
Zëvendësdrejtori rajonal i Policisë ka treguar se polici i suspenduar është i stacionit Mitrovicë e Veriut.