Ilustrim
Sulmohet një profesoreshë në Fakultetin e Mjekësisë në Prishtinë
10.5.2022 - 17:51
Një profesoreshë është sulmuar fizikisht në ambientet e Fakultetit të Mjekësisë të Universitetit “Hasan Prishtina”.
Viktima pas lëndimeve ka pranuar tretman mjekësor.
Lajmin për KALLXO.com e ka konfirmuar Flora Ahmeti, zëdhënëse në Policinë e Kosovës.
“Policia menjëherë ka dalë në vendin e ngjarjes dhe bazuar në të dhënat e deritanishme në këtë rast, lëndime trupore ka pësuar një person (i gjinisë femërore)”, ka thënë Ahmeti.
Rasti ka ndodhur rreth orës 14:30, në Prishtinë.
KALLXO.com merr vesh se viktima është profesoreshë në Fakultet.