Sulmohet fizikisht një zyrtar policor në Gjakovë

Policia e Kosovës ka njoftuar se dje me 10.08.2024 në Gjakovë është sulmuar fizkisht një zyrtar policor.

Sipas Policisë, fillimisht ishte raportuar për të shtëna me armë zjarri, ku në vendin e ngjarjes janë hasur dy të dyshuar të cilët dyshohet se e kanë sulmuar zyrtarin policor, i cili kishte qenë jashtë detyrës zyrtare.

Më pas, Policia ka arrestuar tre të dyshuar, të cilët gjatë arrestimit kanë shfaqur rezistencë dhe kanë pësuar lëndime edhe tre zyrtarë policorë të tjerë dhe të njëjtit kanë pranuar tretman mjekësor. Po ashtu edhe të dyshuarve u është ofruar tretman mjekësor.

Pas intervistimit me vendim të prokurorit dy të dyshuar janë dërguar në mbajtja, ndërsa e dyshuara femër është liruar në procedurë të rregullt.