Sulme dhe pengime të personave zyrtarë në Prishtinë e Suharekë

Në Policinë e Kosovës janë raportuar dy raste të sulmeve dhe një rast i pengimit të personave zyrtarë. 

Sulmet ndaj personave zyrtarë kanë ndodhur në Prishtinë. 

Në rastin e parë, rreth orës 08:30, dyshohet se një person ka kanosur dhe sulmuar dy zyrtarë policorë.

I dyshuari është arrestuar dhe pas intervistimit, me vendim të prokurorit është dërguar në mbajtje.

Në rastin e dytë që ka ndodhur në Prishtinë, rreth orës 18:00 dyshohet se një i dyshuar ka sulmuar fizikisht një ekip mjekësor.

“Me vendim të prokurorit pas intervistimit rasti shkon në procedurë të rregullt” – njofton Policia, më 17.10.2024.

Ndërsa, rasti i pengimit të personit zyrtar ka ndodhur në Suharekë, rreth orës 14:15.

Një person dyshohet se i kishte ofenduar dhe kanosur zyrtarët policorë gjatë detyrës.

“I dyshuari ka refuzuar të intervistohet dhe me vendim të prokurorit është dërguar në mbajtje” – ka njoftuar Policia.