Suharekë, vdes një punëtor pasi ra në kontakt me telat e rrymës
10.9.2020 - 17:25
Një ngjarje e rëndë ka ndodhur në fshatin Reshtan të Suharekës.
Një punëtor i ndërtimtarisë derisa ishte duke punuar në kulmin e një shtëpie ka rënë në kontakt me telat e rrymës.
Si pasojë 47-vjeçari ka humbur jetën.
Lajmin për KALLXO.com e ka konfirmuar zëdhënësi i Policisë për Rajonin e Prizrenit, Shaban Osmanollaj.
Zëdhënësi Osmanollaj ka thënë se vdekja e viktimës është konfirmuar nga mjekët, ndërsa rasti është duke u trajtuar si vdekje e dyshimtë.
Viktima i moshës 47-vjeçare ishte punëtor i ndërtimtarisë kurse ishte duke punuar në kulmin e një shtëpie kur ka hasur në telat e rrymës.