Suharekë, qytetari informon Policinë se posedon ilegalisht një armë
14.11.2021 - 10:51
Një qytetar nga Suhareka rreth orës 01:25 pas mesnate është paraqitur në Polici për posedim ilegal të armës.
Policia njofton se i dyshuari E.B. i lindur në vitin 1990, ka thënë se ka pasur një mosmarrëveshje me dy persona të njohur rreth një obligimi në të holla.
Qytetari i cili u paraqit në Polici, ishte në posedim të armës ilegale të llojit pistoletë “ZORAKI M706-B”, e cila armë me tre fishekë është sekuestruar nga stacioni policor në Suharekë.
Pas deklarimit, Policia ka informuar prokurorin e shtetit, i cili ka lëshuar aktvendim për ndalim në afat prej 48 orëve.
Policia thekson se rasti është nën hetime.