Stuhi e fortë në Gjilan, shkaktohen dëme të konsiderueshme materiale - FOTO
12.8.2020 - 17:12
Komuna e Gjilanit ka bërë të ditur se një stuhi e fortë ere dhe shiu, rreth orës 13:30, ka përfshirë sot fshatin Llashticë të Gjilanit, e cila ka shkaktuar dëme të konsiderueshme materiale.
Sipas njoftimit të komunës, menjëherë në vendin e ngjarjes kanë dalë ekipet e Njësitit të Zjarrfikjes dhe Shpëtimit dhe aktualisht po e largojnë ujin nga dy bodrume të shtëpive atje.
Komandanti i Njësitit të Zjarrfikjes dhe Shpëtimit, Rabit Murseli, ka njoftuar se stuhia e fortë ka dëmtuar një kulm të një lokali, një dritare të ambulantës, gjashtë shtylla të tensionit të lartë, derisa ka shtuar se fatmirësisht nuk ka dëme në njerëz.