Studimi: Një në pesë adoleshentë evropianë vuan nga përdorimi i tepruar i video-lojërave

Në Evropë, një në pesë fëmijë është në rrezik të lartë të lojërave problematike (rreth 20%); Ekspozimi i djemve ndaj fenomenit (30.8%) është tre herë më i lartë se ai i vajzave (9.4%).

Autorët e studimit nga Institutit të Fiziologjisë Klinike të Këshillit Kombëtar të Universitetit të Padovës (Unipd) dhe Universitetit Australian Flinders, hetuan se si faktorët e çështjeve individuale, sociale dhe kontekstuale shoqërohen me një rrezik më të madh për adoleshentët evropianë.

Pra, përdorimi i tepruar i videolojërave mund të rrezikojë shëndetin dhe të nxis largimin nga shkolla.

Studimi analizoi të dhënat e 89 mijë adoleshentëve midis moshës 15 dhe 16 vjeç, që banojnë në 30 vende evropiane.

“U zbulua gjithashtu se adoleshentët që jetojnë në Danimarkë raportojnë nivelet më të ulëta të lojërave problematike (12%), ndërsa ata në Rumani raportojnë një perceptim më të madh të problemeve që lidhen me përdorimin e lojërave video (30.2%)”, shpjegon Sabrina Molinaro, studiuese dhe koordinatore e studimit.

Sfondi familjar dhe politikat kombëtare mund të ulin gjasat që adoleshentët të përjetojnë përdorimin problematik të video-lojërave.

“Studimi tregon sesi prania e rregullave prindërore dhe mbështetja emocionale e familjes e mbrojnë adoleshencën nga përdorimi i tepruar dhe i shtrembëruar i video-lojërave”, theksoi autori i studimit Alessio Vieno./Telegrafi