Studentët organizojnë koncert për 50 vjetorin e UP-së
10.2.2020 - 12:03
Studentët e Departamentit të Muzikës dhe Fakultetit të Artit sot organizojnë koncert për nder të 50 vjetorit të themelimit të Universitetit “Hasan Prishtina” dhe “Javën e Universitetit”.
Në këtë manifestim do performojnë studentët e këtyre dy fakulteteve.
Koncerti do fillojë nga ora 18:00, në amfiteatrin e Bibliotekës Qendrore Universitare njofton UP.
UP u themelua me Ligjin mbi themelimin e Universitetit, të cilin e miratoi Kuvendi i ish-Krahinës Socialiste të Kosovës më 18 nëntor 1969.
Kuvendi themelues i Universitetit “Hasan Prishtina” u mbajt më 13 shkurt 1970.
Ndërsa, me 15 shkurt 1970 u mbajt mbledhja solemne e Kuvendit dhe kjo datë u shpall Dita e Universitetit të Prishtinës.