Foto: Kallxo.com
Spitali në Prizren tregon gjendjen e policit të lënduar në Zhur
29.1.2020 - 10:31
Drejtori i Spitalit Afrim Avdaj tha për KALLXO.com se zyrtari policor i pranuar mbrëmë në Spitalin e Prizrenit, i cili u lëndua gjatë operacionit në Zhur, ka pranuar trajtim mjekësor në repartin e kirurgjisë.
Avdaj tha se gjendja e tij tashmë është stabile dhe jashtë çfarëdo rreziku për pasoja të rënda.
Edhe dy zyrtarë tjerë të Policisë janë trajtuar në repartin e emergjencës, të cilët pasi kanë marrë ndihmën mjekësore janë liruar nga Spitali.
Shpërthimi që rezultoi fatal për pjesëtarin e njësisë speciale të Policisë, Sami Thaqin ka ndodhur në shtëpinë e Iran Badallit në fshatin Zhur të Prizrenit.
Badalli është arrestuar mbrëmë dhe është vendosur në ndalim 48 orësh.