Coronavirusi Madrid- Foto: REL/AFP

Spanjë, 10 ditë zi kombëtare për viktimat e COVID-19

Qeveria spanjolle ka dekretuar sot zi kombëtare 10-ditore duke nisur nga nesër, e mërkurë, në kujtim të viktimave të coronavirusit të ri, i cili ka shkaktuar vdekjen e mbi 27 mijë personave në vend.

“Zija kombëtare në kujtim të viktimave të COVID-19 fillon nesër në vendin tonë”, ka njoftuar kryeministri Pedro Sanchez në llogarinë e tij në Twitter, raporton AFP.

Shefi i Qeverisë tha se kjo zi kombëtare 10-ditore do të jetë “më e gjata” në Spanjë që nga përfundimi i diktaturës së Francisco Francos.

Për ta marrë këtë vendim, Qeveria e tij ka pritur që Madridi dhe Barcelona, dy qytetet më të mëdha të Spanjës dhe më të goditurat nga pandemia, të fillojnë të hënën procesin e hapjes, raporton AFP.

Me 27,117 të vdekur dhe mbi 236 mijë të infektuar, Spanja është një prej vendeve më të goditura nga pandemia në Europë.

Do NOT follow this link or you will be banned from the site!