Sot shënohet Dita Ndërkombëtare e Xhazit
30.4.2020 - 10:10
Sot është Dita Ndërkombëtare e Xhazit. 30 prilli në mbarë botën njihet si dita e muzikës xhaz dhe shënohen që nga viti 2011, me një vendim të UNESCO-s.
Xhazi si stil i veçantë i muzikës lindi nga përzierja e traditave së muzikës afrikane dhe evropiane dhe për herë të parë u shfaq tek komuniteti afro amerikan në fillim të shekullit 20-të në jug të SHBA-së.
Caktimi i kësaj dite si Dita Ndërkombëtare e Xhazit ka si qëllim vetëdijesimin për muzikën xhaz, vlerat edukuese e mesazhet e paqes të cilat përcjellën përmes kësaj muzike.
Në mbarë Botën kjo ditë shënohet me organizime të ndryshme.
Muzika xhaz interpretohet kryesisht me instrument si: saksafoni, tromba, kontrabasi, bateritë, dhe instrumentet elektrike.