Sot Hoti e nënshkroi në Uashington atë që Isa Mustafa e quante "mini-Shëngen i mini-jugosllavëve"
Me marrëveshjen e sotme të nënshkruar nga kryeministri Avdullah Hoti në Shtëpinë e Bardhë në Uashington D.C Kosova pranoi t’i bashkangjitet ‘mini-Schengenit ballkanik’.
Por vet Kryeministri i Kosovës, Avdullah Hoti, që në nëntor të vitit 2019, kohën kur u negociua për mini – schengenin, ishte antar i Lidhjes Demokratike të Kosovës e pati kundërshtuar këtë ide të inicuar nga Presidenti i Serbisë, Aleksandar Vuçiq, dhe kryeministri i Shqipërisë, Edi Rama.
Ai në atë kohë këtë projekt e pati quajtur “shumë të dëmshëm dhe pa interes” për Kosovën,
Por në Uashington, Hoti ka ndryshuar mendimin dhe e ka vënë firmën në dokumentin në të cilin pranimi i këtij projekti është një nga pikat kryesore.
“Favorizon ekonomikisht shtetet e Ballkanit që kufizohen me shtete anëtare të BE-së përmes politikës së taksave, ndërkaq Kosova nuk ka asnjë kufi me BE-në”, ishte njëra nga arsyet pse Kosova nuk duhej të pranonte një projekt të tillë sipas Hotit.
Kundërshtues, sic ka thënë për ‘mini – jugosllavinë’ në atë kohë u shpreh edhe kryetari i LDK-së, Isa Mustafa, ai pati deklaruar se një gjë të tillë nuk do e pranojnë edhe po të jenë në pozitë.
“Janë ide që nuk i kemi përkrahur sa e kemi drejtuar qeverinë dhe nuk do ti përkrahim si Lidhje Demokratike e Kosovës, as në pozitë dhe as në opozitë”, pati thënë Mustafa.
Pas sy ditës negociata në Uashington D.C Kosova dhe Serbia sot nënshkruarn marrëveshjen për normalizim ekonomik, ku njëra nga pikat e kësaj marrëveshje ishte edhe pranimi i Kosovës për t’u bashkangjitur në projektin e ‘mini- shengenit’ ku bënë pjesë Serbia, Maqedonia e Veriut dhe Shqipëria.
