Sonte në "Jeta në Kosovë": Drejtësi gjatë pandemisë
Sonte në emisionin “Jeta në Kosovë” do të diskutohet për dy tema të ndryshme.
Sot është bërë një vit prej kur Kosova e ndryshoi Kodin e Procedurës Penale, i cili krijon mundësi që personat që fshihen në shtetet e tjera ose që janë të pakapshëm, të hetohen, të akuzohen e të gjykohen në mungesë.
Çka ka ndodhur që nga ajo ditë ? cilat janë sfidat e përndjekjes së kriminelëve në mungesë ?
Në pjesën e dytë do të diskutohet për pasojat dhe vështirësitë, sidomos për gratë, gjatë kohës së pandemisë.
A do të jetë i mundur kthimi i grave në punë pasi shkollat e çerdhet nuk janë hapur e atyre u kërkohet të dalin në punë ?
Pse janë rritur sulmet ndaj grave dhe sulmet seksuale ndaj tyre ?
Për këto tema do të diskutohet me Albulena Haxhiun, ministre e Drejtësisë, Ramadan Ahmeti – Policia e Kosovës, Adelina Tërshani, autore e teksteve si dhe koordinatore e projekteve në Rrjetin e Grave, Dijana Simiq, aktiviste që punon me viktimat e dhunës dhe Kreshnik Gashi, autor i emisionit « Drejtësia në Kosovë« .
Emisioni “Jeta në Kosovë” transmetohet sonte në RTK dhe drejtpërdrejt në Facebook të KALLXO.com nga ora 20 :05.