Skenderaj. Foto: Atdhe Mulla
Skenderaj, një i arrestuar për dhunë fizike ndaj gruas
Një rast me elemente të veprës penale ‘dhunë në familje’ është raportuar me datën 2 dhjetor 2019 në Skenderaj.
Policia ka njoftuat se bazuar në deklaratën e viktimës dhe provave tjera të siguruara bëhet e ditur se bashkëshorti i saj ka ushtruar dhunë fizike, me ç´rast viktimës i është ofruar tretman mjekësor.
Hetuesit policorë në kuadër të Stacionit Policor në Skenderaj, lidhur me rastin kanë ndërmarrë veprime të nevojshme hetimore.
Me këtë rast është arrestuar personi i dyshuar nga i cili është sekuestruar një pushkë për të cilën nuk posedonte leje për armëmbajtje.
Ndërsa pas procedurave intervistuese, të dyshuarit me aktvendim të prokurorit të rastit, i është caktuar masa e ndalimit policor për 48 orë, thuhet në komunikatën e Policisë në rajonin e Mitrovicës.