Skandal: Mungon anestezioni në QKUK, trajtohen vetëm rastet urgjente
Në Klinikën Torakale të Qendrës Klinike Universitare të Kosovës, sipas raportimeve që kanë ardhur në KALLXO.com për shkak të mungesës së barnave të anestezionit ka filluar të ndryshohet programi operativ.
KALLXO.com ka kontaktuar Klinikën dhe ka mar konfirmim se gjendja është e tillë, sipas burimeve tona brenda Klinikës Torakale anestezion ka në sasi të vogël dhe operimet po kryhen vetëm për rastet më urgjente.
“Operacionet tashmë po bëhen me një intensitet më të ulët për shkak të sasisë të limituar të barnave të anestezionit, prioritet ju jepet rasteve me karcinoma. Tashmë ka dy ditë që po punohet me këtë lloj programi”, kanë thënë burimet e KALLXO brenda Klinikës.
Dje KALLXO ka raportuar se mjekët po kërcënojnë me grevë për shkak të mungesës së barnave ndërsa pacientët vazhdojnë të presin për barnat që janë në mungesë për më shumë se tre muaj në Klinikën e Onkologjisë. https://kallxo.com/mjeket-kercenojne-me-greve-shkaku-i-mungeses-se-barnave/
KALLXO.com edhe sot është në pritje të një përgjigje nga Ministria e Shëndetësisë.
