Adem Hodza dhe Goran Rakiq - Foto: Facebook/AdemHodza (Arkiv)
Shuhet Grupi Parlamentar 6+ në Kuvend, deputeti kalon në grupin e Listës Serbe
23.11.2020 - 12:32
Deputeti i Kuvendit të Kosovës, Adem Hodza, e ka braktisur grupin parlamentar 6+, për t’iu bashkuar atij të Listës Serbe.
Lajmin e ka konfirmuar për KALLXO.com, sekretari i Kuvendit të Kosovës, Ismet Krasniqi.
Pas tërheqjes së deputetit Hodza, grupi parlamentar 6+ nuk ekziston më në Kuvend sepse ka mbetur vetëm me pesë anëtarë përderisa Lista Serbe i bën 11 anëtarë në grupin e vet.
Deputeti Adem Hodza është nga radhët e komunitetit goran.
Grupi 6+ mbledh deputetët e komuniteteve pakicë (boshnjakë, turq, goranë e romë).