Shtohen patrullat e policisë në ditën e mbajtjes së seancës së Kuvendit
03.6.2020 - 10:29
Patrulla policore janë vendosur mëngjesin e sotëm në kryeqytet, në ditën kur pritet të mbahet seanca e Kuvendit për votimin e Qeverisë.
KALLXO.com ka siguruar fotografi nga tereni ku shihet se para objektit të Gjykatës Kushtetuese është vendosur një njësit i policisë.
Një patrullë tjetër nga Njësia Speciale është vendosur edhe pak metra larg objektit të Gjykatës Kushtetuese.
Sot në ora 11: 00 pritet të mbahet seanca e jashtëzakonshme e Kuvendit, me të vetmen pikë të rendit të ditës, votimi i Qeverisë së Republikës së Kosovës të koalicionit të ri LDK-AAK-NISMA-Lista Serbe.